छन्न पकैया छन्न पकैया, लीला करय कन्हैया।
अजब गजब ले करे तमासा, मुरली देख बजैया।।
छन्न पकैया छन्न पकैया, छेड़य राधा रानी।
फोड़े मटकी ग्वालिन मन के, राधा बर हे बानी।।
छन्न पकैया छन्न पकैया, ग्वालिन हे नादानी।
बजे बाँसुरी के धुन भैया, दउड़त हे दीवानी।।
छन्न पकैया छन्न पकैया, राधा रानी हारे।
हवे मोहना मोर कन्हैया, सबला मोही डारे।।
छन्न पकैया छन्न पकैया, माखन ला चोरइया।
घर घर जाके करथे चोरी, देख दशोदा मइया।।
-हेमलाल साहू
ग्राम गिधवा, जिला बेमेतरा(छ. ग.)
कोई टिप्पणी नहीं:
एक टिप्पणी भेजें