चल संगी बदलाव नवा लाबोन।
चल संगी नवयुवक ल जगाबोन।।
नवा जवाना के नवा रद्दा ला।
चल संगी हमन हा दिखाबोन ।।
चल संगी .............
पढ़बो लिखबो अऊ हमन पढ़ाबोन।
सुघ्घर पढ़ा लिखा के जगाबोन।।
देश ला जागरूक अपन बनाबोन।
शिक्षित समाज ला हमन लाबोन।।
चल संगी................
मया दया के भाव सदा राखबोन।
मिलके रद्दा मा अपन चलबोन।।
झन गढ़य ककरो पाव मा काँटा।
अइसन रद्दा ला अपन बनाबोन।।
चल संगी...............
जतन अपन माटी के करबोन।
अपन बोली भाखा ला बोलबोन।।
छत्तीसगढ़ के किसनहा माटी मा ।
चल संगी हमन सरग ला बनाबोन।।
चल संगी.....................
कोई टिप्पणी नहीं:
एक टिप्पणी भेजें