मोदी दीस तान सीना

मोदी दीस तान सीना, देख छप्पन इंच।
धन देख लाय बर करिया, नवा खोलिस पंच।।
वादा करिस अपन पूरा, जन के रखिस मान।
पांच सौ हजार नोट ला, करदिस बन्द जान।।

खून अउ पसीना लुटके, भरथे खूब माल।
पाप भागी कमीना के, होगय फेल चाल।।
आज ले नोट बन्द हवे, पांच सौवा हजार।
देख ले चोर ला करिया, मुँह ला रोत फार।।

देख ले करिया सिरागे, धन सबो हा आज।
पाँच अउ हजार जुन्ना, अब न आय काज।।
नोट आही नवा अब तो, देख सँगी बजार।
देख करिया चोर ऊपर, परगे आज मार।।

-हेमलाल साहू
ग्राम- गिधवा, पोस्ट- नगधा
तहसील -नवागढ़, जिला बेमेतरा
छत्तीसगढ़, मो. नं.-9977831273