@बिसवास ला तँय राख ले@

चल आ सँगी मन ला लगा, तँय हाथ बूता मा लमा।
तँय चल पसीना गार के,  चल पून्य पूँजी ला जमा।।
तँय छोड़ दे मन मोह ला, चल नाव सुघ्घर तँय कमा।
कर दान तँय रखबे दया,  करबे सबै गलती  छमा।।

तँय पेर जाँगर ला कमा , चल भाग ला सुघ्घर जगा।
तँय राख ले उपवास ला,  चल रोग  ला मनके भगा।।
प्रभु जाप ला तँय कर बने, चल ध्यान ला मन मा लगा।
बिसवास ला तँय राख ले, नइ  होय जिनगी मा दगा।।

-हेमलाल साहू
ग्राम गिधवा, पोस्ट नगधा
तहसील नवागढ़, जिला बेमेतरा
(छत्तीसगढ़) मो. 9977831273